José Beragua, 34 annos, es instructor de anglese in un gymnasio municipal a su citate. Ille cognosceva interlingua ante alcun annos e es un studiante de linguas diverse como le guarani e le malayalan.
Ille ja ha invitate le UBI a organisar, insimul con su gruppo, le Quinte COBINTER a
Ribeirão Preto, urbe del interior del Stato São Paulo.
IN: Quando vos cognosceva interlingua ?
JB: Io lo cognosceva per le Revista Planeta, sur
le pagina ubi se trova le “Club de
Comunication”.
IN: Como vos divulga interlingua ?
JB: Per contactos personal e correspondentia
con homines de tote le mundo.
IN: Que manca al movimento brasilian ?
RM: Manca plus divulgation de interlingua.
Multe brasilianos non cognosce le existentia de
iste idioma.
IN: Como es le diffusion de interlingua a vostre
citate ?
JB: Ecce un responsa sincere – manca alicuno
qui ha bon cognoscentias de interlingua e
promove cursos o conferentias.
IN: Que pensa vos del UBI ?
JB: Illo face un bon travalio in Brasil.
IN: Esque vos ha suggestiones pro
INTERNOVAS ?
JB: Internovas ha meliorate multo ! Io pensa
que pro le momento, le contento es excellente.
IN: Que pensa vos del COBINTER [Conferentia
Brasilian de Interlingua]. Es illos utile?
JB: Io non ha dubitas. Le COBINTER debe
esser organisate annualmente como maniera de
un major divulgation de interlingua.
IN: Vostre commentos final.
JB: Un cosa que io observa es que le
movimento interlinguista ha crescite bastante e
le UBI age secundo un bon performance pro
isto.
Internovas 