Multe tempore retro, un gruppo de feminas indigene sudamerican decideva viver
solitarimente, sin le adjuta de viros. Illas construeva lor domos circa un “ocara” – placia central rotunde – e deveniva un tribo de feminas guerrier, le Ikamiabas o Amazonas.
Un vice cata anno, illas recipeva le visita del indigenos “Guaraci”, qui jocava le rolo de
maritos per un sol nocte. Le prestessa tribal dirigeva le ceremonia procriative sub le claro de luna. Le matino sequente, le visitantes partiva.
Quando, post le tempore debite, nasceva le infantes, le masculos era portate a lor patres in le tribo vicin, e le feminas restava con lor matres.
Altere tribos tentava vincer le Amazonas, ma sin successo, pois que aquelle guerrieras maneava le armas expertivemente.
Secundo le Amazonas, Yaci – le Luna – las protegeva, e pro regratiar iste protection, illa
sculpeva saxos con designos e formas variate, e los jectava verso le aquas del fluvios durante le plenilunio como homage a Yaci.
Aquelle saxettos verde es cognoscite como “Muiraquitan” e on dice que le persona qui los
trova sera felice pro sempre.
Internovas 